टेलिकमद्वारा १३० टिभी च्यानल भएको एप्स सार्वजनिक, एक महिना निःशुल्क

नेपाल टेलिकमले १३० टिभी च्यानल भएको वाउटाइम “WoW Time” नामक एप्स सार्वजनिक गरेको छ। मंगलबारदेखि संचालनमा आएको यस ‘वाउटाइम’ मार्फत नेपाल टेलिकमका मोबाइल फोन प्रयोगकर्ताले लाइभ टिभी, मुभी र विभिन्न विधाका भिडियो तथा एफएम एउटै मोबाइल एप्समार्फत हेर्न तथा सुन्न सक्नेछन।

नेपाल टेलिकम र विन नेपाल प्रालिको सहकार्यमा ‘वाउटाइम’ एप्स सञ्चालनमा ल्याइएको हो। टेलिकमका मोबाइल फोन प्रयोगकर्ताले एप्समार्फत लाइभ टिभी, मुभी तथा भिडियो हेर्न र एफएम सुन्न सक्नेछन।

लाइभ टिभीमा नेपाली, हिन्दी तथा विदेशी भाषाका विभिन्न विधाका १३० च्यानल छन्। भविष्यमा च्यानलको संख्या आवश्यकता अनुसार थप्दै जाने योजना रहेको नेपाल टेलिकमले जनाएको छ। त्यसैगरी विभिन्न विधाका मुभी, म्युजिक भिडियो तथा टिभी शोहरु पनि हेर्न सकिन्छ।

यो सेवा नेपाल टेलिकमका जीएसएम तथा सीडीएमएका प्रिपेड÷पोष्टपेड ग्राहकलाई मात्र उपलब्ध हुनेछ। हाललाई दशैँ तिहारको अवसरमा पहिलो एक महिनाको लागि एप्स निःशुल्क रहेको टेलिकमद्वारा जारी विज्ञप्तिमा उल्लेख छ। एक महिना पछि भने ग्राहकले शुल्क तिर्नुपर्नेछ। यो मोबाइल एप्समार्फत उपलब्ध हुने सेवा वाइफाई प्रयोग गरेर तथा मोबाइल डाटा प्रयोग गरेर उपयोग गर्न सकिनेछ।

सो मोबाइल एप्स गुगल प्ले स्टोर तथा एप्पल एप स्टोरबाट डाउनलोड गर्न सकिन्छ। मोबाइल एप्स मोबाइलमा डाउनलोड गरी आफ्नो नाम र मोबाइल नम्बर राख्नासाथ प्राप्त हुने पिन नम्बरलाई भेरिफाई गरी रजिष्ट्रेसन गरेपछि यसको प्रयोग गर्न सकिनेछ।

Facebook Comments

सम्बन्धित

Leave a Comment