गजल –विप्लव ढकाल

चढेको रेलको स्टेसन छैन ओर्लिने कहाँ हो ?
छुक छुक गरी चल्दै छ रेल, पुगिने कहाँ हो ?

माटोमा खस्ला छायाको चित्र बाटो छ अँध्यारो
चट्टान नाघे समुद्र आउँछ डुबिने कहाँ हो ?

यात्राका साथी जङ्गली किरा, जङ्गलमै हराउँछन्
आस्थाको धर्ती भत्कियो भने उभिने कहाँ हो ?

आफैलाई खोज्न हिँडेका थियौ बाटोमै निदायौ
सपना हराई हारेको यात्री ! बिउँझिने कहाँ हो ?

चढेको रेलको स्टेसन छैन ओर्लिने कहाँ हो ?
छुक छुक गरी चल्दै छ रेल, पुगिने कहाँ हो ?

(अरुणिमा साहित्यिक पत्रिका, वर्ष १२, अंक २, २०७३ मा प्रकाशित)

Facebook Comments

Related posts

Leave a Comment