गजल – ज्ञानु वाकर पौडेल

अरुणिमा, कविता

वर–पिपलको कहानी नसोध
कसरी बित्यो जवानी नसोध

कहिले झरेछन् यी पातहरू
किन रोजें यो विरानी नसोध

रोई रोईकन म तिम्रो यादमा
कति भिजाउँथे सिरानी नसोध

टिप्नै नपाई पीरति को फूल
कहाँ चिप्ल्यो जिन्दगानी नसोध

बिजुली चम्केला’नि फेरि राती
अल्लारे बैंश को नादानी नसोध

(अरुणिमा साहित्यिक पत्रिका, वर्ष १२, अंक २, २०७३ मा प्रकाशित)

Facebook Comments

Leave a Reply