गायक बन्न आएका अनिल कोयी संगीतमा जम्दै (भिडियो सहित)

भिम दुमी
काठमाडौं, ७ मंसिर । दुर्गम गाउँको कुनामा रेडियोमा आएको गीतहरु सुनेर रमाउँदै हिँड्ने चन्चले केटो अनिल कोयी अन्तत् सुगम संगीतको अब्बल कलाकार बन्न पुगे । खोटाङ जिल्लाको दुर्गम भनिएको सुङदेल ५ रिस्कमा जन्मेका उनी रेडियो सुनेर संगीतमा लहसिएको सुनाउँछन् । ‘रेडियोमा राजेश पायलको स्वर सुन्ने वित्तिकै बाबुका रेडियो खोसाउन जान्थेँ ।’

गाउँकै विद्यालयबाट एसएलसी दिएका उनको पढाइसमेत उत्कृष्ट नै रहेको उनले सुनाए । ०६१÷०६२मा एसएलसि सकिनासाथ संगीतको प्यास मेट्न काठमाडौं छिरेका उनले आर आर क्याम्पसमा संगीतनै विषय राखेर पढाई अगाडि बढाएका थिए । गाउँमा मेलापात। विहेबटुलमा गाउन माहिर भइसकेका उनले संगीतको औपचारिक कक्षा लिएपछि पो बल्ल गीत संगीत बुझेको बताउँछन् । ‘लहै लहैमा गाएको गीत त गीत जस्तो मात्र हुने रहेछ’ उनले भने ।

संगीतको कक्षा लिँदै गर्दानै उनले ०६४ सालमा पहिलो पटक‘पहिलो माया’ नामक गीत एल्वम बजारमा ल्याएका थिए । ‘त्यो बेला पुर्वेली लोकभाकाको खुब बजार थियो । त्यो बजारमा आफुले पनि उपस्थिती जनाइयो’ अफ्ठयारो मान्दै उनले सुनाउँछन् । खास गरेरर मिडियामा आउन नरुचाउने उनको बानिले हो ला बोल्न गा¥हो मन्दै उनले भने, ‘त्यसपछि ०६७ सालमा फेरी अर्को एल्वम पनि निकालेँ नी ।’ उनले ०६७ सालमा ‘चाहाना’ नामको एल्बम बजारमा ल्याएको सुनाए । उनको दोस्रो एल्बम बजारमा आएपछि भने उनी गायक भन्दा बढी संगीतमा जम्छु जस्तो लागेको सुनाउँछन् ।

यसपछिका दिनमा लगातार फुटकर संगीतमा लागेका उनी अहिले संचारमाध्याममा नआएका तर व्यस्त संगीतकारका रुपमा चिनिन्छन् । उनले करिब २ दर्जन बढि गीतमा संगीत गरिसकेको बताउँदै कति गीतहरु राम्रै बजारमा चलेको उनले सुनाए । उनको ‘संगै जीउने’ बोलको गीतको म्युजिक भिडियो निकै राम्रो चलेको छ । भने फिमेल भ्वाईसमा भएको गीतलाई हालै मेल भ्वाइसमा सचिन राईले गाएका छन् ।

संगीतलाई राम्ररी बुझेका उनले अरुकालागि गाउने तथा संगीत गर्ने भन्दा पनि पहिले आफ्नो लागी संगीत गर्नु पर्ने बताउँछन् । ‘संगीत भनेको पकाएर, उसिनेर खाने आलु होइन् । यो कानकालागि बनाउने कुरा हौ । जस्कालागि पहिले आफुले बनाएको संगीतलेृ आफ्नो कानलाई कतिको न्याय गर्छ यो हेर्नु पर्छ’ उनले भने, ‘संगीत भनेको कानको झिँजो हुनु भएन’।

व्यक्तिगत रुपमा अनेकौँ दुःख र हण्डरहरु खेप्नु परेको भएपनि संगीतलाई कुनै हालतमा छाड्न नसकेको उनले सुनाए । ‘पहिले पहिले त यो विषयनै किन रोजे छु जस्तो पनि लागेको थियो तर पछिल्लो समयमा यसले व्यस्त बनाउँदा चाहीँ ठिकै गरेछु जस्तो पनि लागेको छ ।’ उनले आफ्नो इतिहाँस प्रति गर्व गर्दै भन्छन् ।

गीत कर्णप्रिय होस अरुले सुनेर आनन्द लिन सकुन भन्ने कामना सबैको हुन्छ नै । त्यसमा पनि आफु भने अझै गीतको संख्या थप्नमा भन्दा टिकाउ गीत बनाउनमा लागि पर्ने खालको भएको सुनाउँछन् । थोरै गर्छु तर कालजयी गीत बनाउँछु सस्तो लोक प्रियताका लागि म संगीत नै गर्दिन’ उनले भने ।

गीत बनाइमाग्नेहरुको लाइन राम्रै लाग्ने गरेको बताउँदै उनले शब्द र भाव हेरेपछि मात्र आफुले संगीतका लागि ओके भन्ने गरेको सुनाए । ‘जस्तो पायो उस्तै शब्दहरुको संगीत गर्न लागियो भने त हल्का भइन्छ नी ’ उनको बुझाई छ । ‘बरु थोरै बनाउँछु तर सबैकालागि मन मुटुमा रहने गीत बनाउँछु’ । गाउँमा जन्मेका हुनाले होला उनले संगीत भर्नका लागि समेत आफ्नै परिवेश रोज्ने गरेको बताउँछन् । शब्दसँग खेल्न सिपालु यीनले आफैले गीतहरु लेखेका पनि छन् । भर्खरै रेर्कड सकिएको लक्ष्मि राईको शब्द र स्वरुप राज आचार्यले गाएको गीत सुनाउँदै भने, वास्तवमा सबै कुराको संयोजन मिल्यो भने न त्यो संगीत हुँदो रहेछ ।’

भिडियो हेर्न तल जानुहोस…

Facebook Comments

सम्बन्धित

Leave a Comment