गीत – बलराम तिमील्सिना “बिप्लप”

Balaram Timilsina

 

जमाना ! कहॉबाट कहॉ पुग्यो यार !!
हामीले हेर्दा हेर्दै , हामीले भोग्दा भोग्दै !!
कहॉबाट कहॉ पुग्यो जमाना !

कोही भन्छन जमाना झन खराव आयो रे
जताततै विकृति र विसंगती छायो रे
भन्नेहरू जे जे भन्छन त्यही मान्ने हो कि ?
असल भो कि खराव भो आफैं छान्ने हो कि ?
जमाना…..कहॉबाट कहॉ पुग्यो यार !!

सिर झुकाई हिड्नेहरू सिर उठाई हिड्न थाले
हिजो नायक भन्नेहरूलाई मानिसले चिन्न छाडे
भत्किएर मूल्यहरू नयॉ नयॉ बन्न थाले
थिचिएका मान्छेहरूले राम्रो भयो भन्न थाले
जमाना….कहॉबाट कहॉ पुग्यो यार !

फेरिदै छ संसार यो एति छिटो छिटो
कसैलाई तितो होला कसैलाई मिठो
कली लाग्यो भन्लान कोही भने भनिरहून
इतिहास संझिएर दुखी बनिरहून
जमाना…कहॉबाट कहॉ पुग्यो यार !

कलीबाट महाकली पनि पक्कै आउँने छ
मानिसले मान्छे हुनु चाल तव पाउँने छ
चुँडिने छन बन्धनहरू भत्किने छन पर्खालहरू
जमानालाई गाली हैन स्वागतमा जुटौं वरु
जमाना कहॉबाट कहॉ पुग्यो यार !

बलराम तिमील्सिना “बिप्लप”

२०७३र०३र०५
ढल्कु , काठमाण्डौ

Facebook Comments

सम्बन्धित

Leave a Comment