कांग्रेसले रोक्ने भो संसदीय सुनावाइ

राजनीति

एविसि खबर
काठमाडौं, ९ बैसाख । सरकारले लामो समयदेखि रिक्त रहेको राजदुत नियुक्तीको सिफारिस गररे अन्यौलता चिर्न खोजेको देखिएपनि संवैधानीक प्रतिपक्षको कारण व्यवधान खडा हुने भएको छ । सरकारले व्यवस्थापिका संसदको वैठक नबोलाई संदीय समिति समेत त्रृmयाशिल नभएको भनेकै कारण प्रधानमन्त्रीले आत्मोलचना नगरे सम्मा सुनवाईनै रोक्ने प्रमुख प्रतिपक्षदल कांग्रेसले जनाएको छ ।

कांग्रेसका वरिष्ठ नेता रामचन्द्र पौडेलले ओलि सरकारले राजदुत नियुक्तको प्रकरण चोरबाटोबाट हिँडेको जनाएका छन् । उनले प्रधानमन्त्री केपी शर्मा ओलीले गरेको पछिल्लो हर्कतका लागि आत्मलोचनासहित माफी नमागेसम्म सरकारलाई केहीदिन पनि टिक्न नदिने चेतवानी समेत दिएका छन् । संसदीय सुनवाई समिति कायमै छ भनेर माफी नमागेसम्म सरकारले नियूक्तीकालागि सिफारिस गरेका सर्वोच्च अदालतका न्यायधिस र राजदुतहरुको संसदीय सुनवाई कुनै हालतमा कांग्रेसले नदिने पौडेलले स्पष्ट पारेका छन् ।

रिपोर्टर्स क्लब नेपालले आयोजना गरेको साक्षात्कारमा उनले भने,‘ प्रधानमन्त्रीले नै संसदीय सुनवाई समिति छैन भनेर न्यायपरिषदको सदस्यमा सिफारिस रामप्रसाद सिटौलाको नाम फिर्ता लिनु भएको हो । अब कस्ले सुनवाई गर्ने । उहाँले त्यसलाई सच्याएर संसदीय समिति कायमै छ भनि आत्मलोचना नगरेसम्म संसदीय सुनवाई हुन सक्दैन ।’

साक्षात्कारमा पौडेलले रामप्रसाद सिटौलाको नाम ल्याएपछि मात्रै सुनवाई हुने स्पष्ट पार्दै अन्यथा संविधान अनुसार प्रतिनिधिसभा र राष्ट्रिय सभाको निर्वाचन भएर समिति नबनुन्जलेसम्म नियूक्तीकोलागि सिफारिस गरिएका न्यायधिस र राजदुतहरु पर्खिएर बस्नु पर्ने बताएका छन् ।

उनले भने,‘ हामी संविधान संसोधन गरेर सुनवाई समिति गठन गर्ने पक्षमा छैनौ । पुरानै सुनवाई समितिले सुनवाई गर्नु पर्यो नभए नयाँ बनेपछि मात्रै हुन्छ ।’ पौडेलले राजदुत नियूक्तीमा नेपाली काग्रेसले कुनै पनि नाम सिफारिस नगरेको र काग्रेससँग कसैले सल्लाह पनि नगरेको स्पष्ट पार्दै सरकारले नियूक्तीमा मनपरीतन्त्र गरेको आरोप लगाए ।

उनले पार्टीले सरकारसँग संसद बोलाउन आग्रह गरिसकेको जानकारी दिदै काग्रेस अब चुप लागेर नबसी शसक्त प्रतिपक्षको भूमिका निर्वाह गर्ने बताए । पौडेलले नयाँ संविधान अनुसार अबको १ वर्ष आठ महिनाभित्र करिब ३ सय वटा ऐन संसोधन गरि स्थानीय तहको पुर्नसंरचना गरेर गाँउ, जिल्ला, प्रदेश र प्रतिनिधिसभाको निर्वाचन सम्पन्न गरेर राष्ट्रिय सभा गठन गरिसक्नु पर्ने अवस्था रहेको उल्लेख गर्दै त्यसो गर्न सके अहिलेसम्म प्राप्त उपलब्धि सबै धरापमा पर्ने तर्फ सचेत गराए ।

उनले भने,‘ त्यसकोलागि तराई मधेसको स्थिति सहज हुनु पर्यो र सरकरले अहिलेसम्म त्यस विषयमा बास्ता गरेको छैन । मैले सबैलाई सचेत गराईसकेको छु यस्तै अवस्था रहे अहिलेसम्म प्राप्त, गणतन्त्र, संघीयता, धर्म्निरपेक्षता, समानुपातिक समावेशीता सबै खतरामा पर्छ । यसकोलागि सबै लचक भएर बार्ताको माध्यमबाट समाधान खोज्नु पर्छ ।’

पौडेलले प्राप्त उपलब्धिको रक्षा गर्दै मुलुकलाई आर्थिक विकासको बाटोमा अघि बढाउने विषयमा नेतृत्व बर्ग गंभिर नदेखिएको आरोप लगाउँदै मुलुक ख्याल ख्याल गर्दै संकटमा पर्ने स्थितिमा रहेको बताए ।

उनले मुलुक खतरनाक मोडमा पुगिसकेकोले अब मधेससँग बास्तबमै बार्ता गर्नु पर्ने भन्दै यसकोलागि सरकारले अग्रसरता लिनु पर्ने सुझाव दिए । पौडेलले आन्दोलनबाट मात्रै केही नहुने भन्दै यसमा सरकार, प्रमुख राजनीतिक दल र मधेसी दलहरु गंभिर हुनु पर्नेमा जोड दिए ।

Facebook Comments

Leave a Reply