दिक्तेल–चखेवा सडकमा कालोपत्रे सुरु

समाचार, समाज

संगीता राई
खोटाङ १२ चैत । पूर्वको मध्यपहाडी लोकमार्गमा पर्ने दिक्तेल–चखेवा सडकखण्डमा कालोपत्रेको काम सुरु गरिएको छ । तीन वर्षभित्र सम्पन्न गर्नुपर्ने सम्झौताका साथ कालोपत्रेको काम थालिएको हो ।

अहिले सडक फराकिलो पार्ने, ग्याभिङवाल भर्ने, पुल निर्माण गर्ने र गिट्टीढुङ्गा फोर्नेलगायत काम जारी छ । करिब ४६ किलोमिटर लामो सडक पाँच खण्डमा विभाजन गरेर काम थालिएको सडक आयोजनाका इन्जिनियर युवराज पाण्डेले जानकारी दिए । गोल्डेन गुड प्रालिले ठेक्का लिएको सडक करिब रु एक अर्बको लगानीमा कालोपत्रे सम्पन्न हुने पाण्डेले बताए ।

सडकखण्डमा पर्ने कालीखोला, पङ्खुखोला र लप्सेखोलामा निर्माण गरिने पुलको समेत सम्झौता भएर काम अगाडि बढेको जनाइएको छ । कालोपत्रेको काम सुरु भएसँगै मध्य पहाडी लोकमार्गले छोएका दिक्तेल, नेर्पा, च्यानडाँडा र निर्मलीडाँडा गाविसका स्थानीयवासीले गाउँमै रोजगारीसमेत पाएका छन् ।

Facebook Comments

Leave a Reply