ग्रेटर नेपालले दियो ज्ञापनपत्र

downloadएविसि खबर
काठमाडौं, १ चैत्र । भारतीय सेनामा कार्यरत नेपाली युवालाई बु्रनाईको सुरक्षार्थ खटाउने निर्णय सच्याउनुपर्ने माग राख्दै ग्रेटर नेपाल राष्ट्रवादी मोर्चाले उपराष्ट्रपति नन्दबहादुर पुनसमक्ष ज्ञापनपत्र बुझाएको छ । आइतबार उपराष्ट्रपति कार्यालय बहादुरभवन पुुगेर भारतका उपराष्ट्रपति मोहम्मद हमीद अन्सारीले भारतीय सेनामा कार्यरत नेपाली युवालाई ब्रुनाईको सुरक्षार्थ खटाउन गरेको प्रस्तावको निर्णय सच्याउन माग गर्दै ज्ञापनपत्र बुझाएको हो ।

मोर्चाका अध्यक्ष फणीन्द्र नेपालको नेतृत्वमा गएको टोलीले सुगौली सन्धि भएको २०० वर्ष पुगेको र गोर्खा भर्ती सुरु भएको २०१ वर्ष पुगेको सन्दर्भमा विदेशी सेनामा कार्यरत नेपाली युवाको हकअधिकार र तिनको स्वाभिमान तथा ती युवाप्रति नेपाल सरकारको दायित्वका सम्बन्धमा उपराष्ट्रपतिसमक्ष ध्यानाकर्षण गराएको थियो । ज्ञापनपत्र बुझेपछि उपराष्ट्रपति पुनले यो अत्यन्तै गम्भीर विषय भएकाले सरकारले गम्भीरतापूर्वक लिएको र यसलाई कूटनीतिक समाधानको माध्यमबाट टुंग्याउनुपर्ने बताएका छन् । उनले यसलाई ज्यादै गम्भीरतापूर्वक लिएको बताउँदै ज्ञापनपत्रलाई सरकारको सम्बन्धित निकायमा पु¥याउने बताएका छन् ।

Facebook Comments

सम्बन्धित

Leave a Comment